İsrail oğullarından danışın, eyb etməz..

İsrail oğullarından danışın, eyb etməz..

Rəvayət edilir ki, bənu israildən olan bir dəstə insan, günlərin bir günü öz Peyğəmbərlərinə müraciət edərək, onun Allaha dua edib onların üzərindən ölümün qaldırılmasını, yəni heç ölməsinlər deyə, diləsin.

Onlar dedilər: "Ölüm böyükləri və kiçikləri qorxudur. Ölümün bizim üzərimizdən qalxmasını, bunu Allahdan diləməsini səndən tələb edirik."

Peyğəmbər dedi: "Bu sizin məsləhətinizdən deyil. Ölüm Allahın təqdir etdiyi hikmətdir. Bunda böyükləriniz və kiçikləriniz üçün hikmət və məsləhət vardır."

Lakin onlar öz dediklərində israrla dayandılar və Peyğəmbərdən bunun üçün Allaha dua etməsini tələb etdilər. Peyğəmbər dua edərək ölümün onların üzərindən qalxmasını Allahdan istədi. Allah Öz qüdrəti ilə ölümü onların üzərindən qaldırdı.
   Zaman keçdikcə, bənu israilin evləri, küçələri, mənzilləri cavan və qoca yaşlı insanlarla doldu. Bir evə baxanda kişinin anası, nənəsi, anasının nənəsi, nənəsinin nənəsi.. Qadının babası, babanın babası və s.. Biri qışqırır, biri çağırır, biri su istəyir, o biri ayaq yoluna getmək üçün çağırır, o birisi.. tələb qurtarmır ki, qurtarmır..

Yaşayışları getdikcə ağırlaşır, qocaların qulluğunda durmaq çətinləşir. Peyğəmbərdən dua tələb edən insanlar artıq özləri qocalır, əziyyət çəkir. Çünki onların xidmətində duranlar artıq özləri əziyyət çəkir. Və bütün bunları gördükdən sonra, Peyğəmbərin yanına gəlib dedilər: "Ya Rəsulullah! Biz Allaha qəlblərimizdən, hansı ki, Allahın bu təqdirinə, hikmətinə qarşı çıxdıq, tövbə edirik və bizi bağışlamasını Ondan diləyirik. Allaha bizim üçün dua et ki, bizə təqdir etdiyi bu ölüm hikmətini yenidən qaytarsın. Biz Allahın təqdirinə, hikmətinə təslim olduq. İslama razı olduq. Allah bizi bağışlasın və biz Ona tövbə edirik."

📚 Bax: كشكول ابن عقيل 6/39

✍🏻 Suleyman Cəlil.

           ┈┉┅━❈▫❈📚❈▫❈━┅┉┈