Əl-Həmdulilləh.
Birinci:
Dəstəmazı daimi pozulan adam məsələn, sidiyini və ya yel çıxmasını saxlaya bilməyən şəxs hər namaz vaxtı dəstəmaz alır və həmin dəstəmazla istədiyi qədər fərz və nafilə namazları qılır. Bunu digər namazın vaxtı daxil olana qədər edə bilər. Dəstəmaz aldıqdan sonra ondan nəyinsə çıxması, hətta namazda olsa belə heç bir zərər gətirmir.
Yox əgər sidik çıxması təharət edəcəyi və namazı qılacağı vaxt qədər geniş bir müddətdə kəsilirsə, onda gərək namazı həmin müddətə qədər gecikdirsin. O, namazdan və ya azandan məsələn, on beş dəqiqə öncə ayaqyoluna gedib təmizlənməli sonra sidik dəyməməsi üçün arxayın olacağı bir şey qoymalıdır. Sidik kəsilən vaxtda da təmizlənməli, dəstəmaz alıb namazı qılmalıdır. Sualın cavabı üçün 39494 və 6656 rəqəmli fətvaya bax.
İkinci:
İhram əsnasında övrət yerini salfetka və ya kağızla bürmələyib sidik düşməsin və ya çıxmasın deyə üzərinə salafan keçirə bilərsən. Bu, qadağalardan sayılmır.
Şeyx İbn Useymindən - rahiməhullah - soruşulmuşdu ki, ihramda olan sidiyini saxlaya bilməyən adamın övrət yerinə nəcasətin yayılmaması üçün - məsələn, salafan - qoymasının hökmü nədir? Bu, ihramın qadağalarındandırmı?
O belə cavab vermişdir: "Bu, ihramın qadağalarından deyil." 11013 rəqəmli cavaba bax.
Əgər bu sənə çətinlik törədərsə, pampers kimi qoruyucu və ya alt paltarı geyinə bilərsən. Sənin üçün bir problem yoxdur. Lakin fidyə verməyin vacibdir. Bu da aşağıdakı seçimlə edilir: Ya bir qoyun kəsməli, ya altı kasıbı doyduracaq qida verməli bu da hər kasıba yarım saa (1,5 kq) miqdarındadı, ya da üç gün oruc tutmalısan.
Çünki Kəb ibn Ucranın hədisində o, ihramda olarkən başını qırxmaq məcburiyyətində qaldıqda, Allah elçisi ﷺ (sallallahu aleyhi və səlləm) ona buyurdu: "Başını qırx. Üç gün oruc tut ya da altı kasıbı doyduracaq qida ver ya da bir qurban kəs."
📚 Buxari (4190) və Muslim (1201) rəvayət etmişlər.
Üçüncüsü:
Sənin iki namazı səfər üzrünə görə birləşdirmən icazəlidir. Həmçinin ayaqyoluna girməyin çıxmağın sonra bir də qayıtmağın da sənin üçün üzrdür. Xüsusən də izdiham vaxtı belədir. Nə vaxt çətinlik və məşəqqət görülsə cəm etmək şəriətə müvafiqdir.
Kim iki namazı cəm edərsə, onları bir dəstəmazla qıla bilər. İstər sidiyini saxlaya bilməyən və ya qeyrisi olsun. Həmçinin təmizlənmək və təharət də dəstəmazdan əvvəl bir dəfə olur. Əgər yerin təmiz olduğunu və heç nəyin çıxmadığını dəqiqləşdirdinsə, daha sənə təmizlənmək və tahərət etmək gərəkmir.
Təmizlik üçün kağız salfetkalardan istifadə edilə bilər. Baxmayaraq ki, suyun istifafəsi daha əfzəldir.
Dördüncü:
İhram əsnasında dərmanlardan istifadə etməkdə heç bir problem yoxdur.
Uca Allahdan sənə şəfa və salamatçılıq diləyirik. Allah bizə də sənə də qəbul olunmuş həcc nəsib etsin və günahlarımızı bağışlasın.
Allah doğrusunu bilir.
📡 _https://islamqa.info/ar/111091_
✍🏻 Əbu AbdurRahman.
1439/10/15
┈┉┅━❈▫❈📚❈▫❈━┅┉┈