Ey əziz müsəlman qardaşım, ürəyini sıxma!
Bir müsəlmanın haqsız, mötəbər sübut olmadan, elmsiz, zən, yalan və böhtan üzərində olan digər müsəlmana qarşı onu hər hansı batil inancda (xavariclikdə, hizbiçilikdə, ircalıqda, ixvanlıqda və s.) ittiham etməsi, onda müşriklərin və münafiqlərin sifəti və payı vardır.
Müşriklərin payı Əl-Hicr sürəsindəki olan ayələrə əsasən onda vardır. Zamanında müşriklər də, Peyğəmbərimizə ﷺ haqsız böhtanlar, yalan sözlər deyərdilər. Allah rəsulu ﷺ bunun batil olduğunu bilsə belə, onların bu cür əməlindən qəlbi sıxılardı.
Baxmayaraq ki, 1400 ildən yuxarı keçsə belə, həmin hadisələr yenidən dövr edib qayıdır və İslam dininə dəvət edənlərə qarşı edilir.
Uca Allah buyurur:
قَدْ خَلَتْ مِنْ قَبْلِكُمْ سُنَنٌ فَسِيرُوا فِي الْأَرْضِ فَانْظُرُوا كَيْفَ كَانَ عَاقِبَةُ الْمُكَذِّبِينَ
"Sizdən öncə də neçə-neçə əhvalatlar olub keçmişdi. Odur ki, yer üzündə gəzib dolaşın və görün haqqı yalan sayanların aqibəti necə olmuşdur."
هَٰذَا بَيَانٌ لِلنَّاسِ وَهُدًى وَمَوْعِظَةٌ لِلْمُتَّقِينَ
"Bu, insanlar üçün bir açıqlama, doğru yolu göstəricisi və öyüd-nəsihətdir."
وَلَا تَهِنُوا وَلَا تَحْزَنُوا وَأَنْتُمُ الْأَعْلَوْنَ إِنْ كُنْتُمْ مُؤْمِنِينَ
"Acizlik göstərməyin və kədərlənməyin. Möminsinizsə, üstün olacaqsınız."
إِنْ يَمْسَسْكُمْ قَرْحٌ فَقَدْ مَسَّ الْقَوْمَ قَرْحٌ مِثْلُهُ ۚ وَتِلْكَ الْأَيَّامُ نُدَاوِلُهَا بَيْنَ النَّاسِ وَلِيَعْلَمَ اللَّهُ الَّذِينَ آمَنُوا وَيَتَّخِذَ مِنْكُمْ شُهَدَاءَ ۗ وَاللَّهُ لَا يُحِبُّ الظَّالِمِينَ
"... Biz bu günləri insanlar arasında növbə ilə dəyişdiririk ki, Allah iman gətirənləri üzə çıxarsın və aranızdan şəhidlər seçsin. Allah zalımları sevmir."
📗 Bax: Qurani Kərim, Əl-İmran sürəsi, 137-140 ayələr.
Günümüzdə, özünə elm tələbəsi deyən, özünü "elm tələbəsi" zən edən, hər hansı sıravi avamın kiminsə haqqında sözünə qulaq asıb, ona inanıb və onun nəticəsində hökm verərsə, onun o avamdan fərqi yoxdur. Bu haqdır.
Uca Allah buyurur:
فَوَرَبِّكَ لَنَسْأَلَنَّهُمْ أَجْمَعِينَ
"Rəbbinə and olsun ki, Biz onların hamısından soruşacağıq –
عَمَّا كَانُوا يَعْمَلُونَ
törətdikləri əməllər barəsində."
فَاصْدَعْ بِمَا تُؤْمَرُ وَأَعْرِضْ عَنِ الْمُشْرِكِينَ
"Sənə buyurulanı açıq-aşkar bəyan et və müşriklərdən üz çevir."
إِنَّا كَفَيْنَاكَ الْمُسْتَهْزِئِينَ
"Sözsüz ki, istehza edənlərə qarşı Biz sənə yetərik."
الَّذِينَ يَجْعَلُونَ مَعَ اللَّهِ إِلَٰهًا آخَرَ ۚ فَسَوْفَ يَعْلَمُونَ
"O kəslər ki, Allaha başqa məbudu şərik qoşurlar. Onlar tezliklə biləcəklər."
وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ
"Biz onların dediklərindən sənin qəlbinin daraldığını bilirik."
فَسَبِّحْ بِحَمْدِ رَبِّكَ وَكُنْ مِنَ السَّاجِدِينَ
"Sən həmd-səna ilə Rəbbini təriflə və səcdə edənlərdən ol!"
وَاعْبُدْ رَبَّكَ حَتَّىٰ يَأْتِيَكَ الْيَقِينُ
"Sənə ölüm gələnədək Rəbbinə ibadət et."
📗 Bax: Qurani Kərim, Əl-Hucr sürəsi, 92-98 ayələr.
┈┉┅━❈▫❈📚❈▫❈━┅┉┈
Uca Allah buyurur:
الَّذِينَ اسْتَجَابُوا لِلَّهِ وَالرَّسُولِ مِنْ بَعْدِ مَا أَصَابَهُمُ الْقَرْحُ ۚ لِلَّذِينَ أَحْسَنُوا مِنْهُمْ وَاتَّقَوْا أَجْرٌ عَظِيمٌ
"Onlar yaralandıqdan sonra da Allahın və Peyğəmbərinin dəvətini qəbul etdilər. İçərilərindən yaxşı işlər görənlər və Allahdan qorxanlar üçün böyük bir mükafat vardır."
الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَانًا وَقَالُوا حَسْبُنَا اللَّهُ وَنِعْمَ الْوَكِيلُ
"Bəzi adamlar onlara: “Camaat sizə qarşı ordu toplayıbdır, onlardan qorxun!”– dedilər. Bu, onların imanını daha da artırdı və onlar: “Allah bizə yetər. O nə gözəl Qoruyandır!”– dedilər."
📗 Bax: Qurani Kərim, Əl-İmran surəsi, 172-173 ayələr.
┈┉┅━❈▫❈📚❈▫❈━┅┉┈
Sən əmin ol ki, bu ittihamlar səni daha da ucaldır, möhkəm edir. Allah sənə yetər!
✍🏻 Suleyman Cəlil.
1439-5-28
